ഭുവനേശ്വർ കുമാറിന്റെ തിരിച്ചുവരവ് കായികലോകത്ത് വലിയ ചർച്ചയായിരിക്കുകയാണ്. ടീം മാനേജ്‌മെന്റ് ഇപ്പോൾ യുവതാരങ്ങൾക്കൊപ്പം പരിചയസമ്പന്നരായ കളിക്കാർക്കും വലിയ പ്രാധാന്യം നൽകുന്നു എന്നതിന്റെ വ്യക്തമായ സൂചനയാണിത്. ഭുവനേശ്വറിന്റെയും ആഭ്യന്തര ക്രിക്കറ്റിലും ഐ.പി.എല്ലിലും തകർപ്പൻ പ്രകടനങ്ങൾ നടത്തുന്ന മുഹമ്മദ് ഷമിയുടെയും സാധ്യതകൾ ചർച്ച ചെയ്യപ്പെടുന്നതിനിടയിൽ, മറ്റൊരു നിർണായകമായ അഭിപ്രായവുമായി രംഗത്തെത്തിയിരിക്കുകയാണ് ക്രിക്കറ്റ് ഇതിഹാസം സുനിൽ ഗാവസ്കർ. റോയൽ ചലഞ്ചേഴ്സ് ബെംഗളൂരുവിന്റെ (RCB) സ്റ്റാർ ഓൾറൗണ്ടർ കൃണാൽ പാണ്ഡ്യയെ (Krunal Pandya) ഇന്ത്യൻ ടീമിലേക്ക് തിരികെ വിളിക്കണമെന്ന് ഗാവസ്കർ ശക്തമായി ആവശ്യപ്പെട്ടിരിക്കുന്നു.
2021-ലാണ് കൃണാൽ പാണ്ഡ്യ അവസാനമായി ഇന്ത്യയ്ക്കായി കളിച്ചത്. എന്നാൽ ആർ.സി.ബിക്ക് വേണ്ടി കഴിഞ്ഞ രണ്ട് സീസണുകളിലും (2025, 2026) ടീമിന്റെ കിരീടനേട്ടങ്ങളിൽ നിർണായക പങ്കുവഹിക്കാൻ ഈ ഓൾറൗണ്ടർക്ക് കഴിഞ്ഞിരുന്നു. ഏറ്റവും ഒടുവിലത്തെ ഐ.പി.എൽ സീസണിൽ 16 മത്സരങ്ങളിൽ നിന്ന് 14 വിക്കറ്റുകളും 226 റൺസുമാണ് താരം സ്വന്തമാക്കിയത്.
ബുദ്ധിപരമായ ബോളിംഗ്: "അതൊരു മികച്ച ക്രിക്കറ്ററാണ്, നമ്മുടെ രാജ്യത്തുള്ള ഏറ്റവും ബുദ്ധിമാനായ കളിക്കാരിൽ ഒരാൾ," എന്ന് ജിയോസ്റ്റാറിന് നൽകിയ അഭിമുഖത്തിൽ ഗാവസ്കർ കൃണാലിനെ വിശേഷിപ്പിച്ചു. പന്തിനെ അതിയായി ടേൺ ചെയ്തില്ലെങ്കിലും, തന്റെ ലൈനും ലെങ്തും വളരെ കൃത്യമായി മാറ്റിപ്പിടിച്ചും, ബാറ്റ്‌സ്മാന്റെ മനസ്സ് വായിച്ചും പന്തെറിയാൻ കൃണാലിന് പ്രത്യേക കഴിവുണ്ട്.
പൂർണ്ണ ഓൾറൗണ്ടർ: ബോളിംഗിന് പുറമെ മികച്ച ബാറ്റിംഗും ഡീപ്പിലെ മികച്ച ഫീൽഡിംഗും കൃണാലിനെ ടീമിന് അനിവാര്യനാക്കുന്നു. ലോകകപ്പുകൾ നേടാൻ ആഗ്രഹിക്കുന്നുവെങ്കിൽ, കരുത്തുള്ള ഇത്തരം കളിക്കാരെയാണ് പരിഗണിക്കേണ്ടതെന്നും ഗാവസ്കർ ചൂണ്ടിക്കാട്ടി.
കളിക്കാരുടെ പ്രായം നോക്കി ടീമിൽ നിന്ന് ഒഴിവാക്കുന്ന രീതിക്കെതിരെയും സുനിൽ ഗാവസ്കർ തുറന്നടിച്ചു. "അവരുടെ പ്രായം നോക്കരുത്, അതല്ല കാര്യം. അവർ ഐ.പിഷൽ കളിക്കുന്നുണ്ടെങ്കിൽ അവർ ഫിറ്റാണ്. ആഭ്യന്തര ക്രിക്കറ്റ് കളിക്കുന്നുണ്ടെങ്കിൽ ഫിറ്റാണ്, അവിടെയെല്ലാം പ്രകടനം കാഴ്ചവെയ്ക്കുന്നുണ്ടെങ്കിൽ അവരെ ഇന്ത്യൻ ടീമിലേക്ക് തിരഞ്ഞെടുക്കുക. അതാണ് ശരിയായ രീതി," ഗാവസ്കർ വ്യക്തമാക്കി.
ക്രൈസ്റ്റ്ചർച്ചിൽ ചരിത്ര ജയം; ന്യൂസിലൻഡിനെതിരെ ഇന്ത്യക്ക് തകർപ്പൻ വിജയം
ഇന്ത്യൻ ക്രിക്കറ്റിലെ 'കറുത്ത ഏടുകൾ'; ഗ്രെഗ് ചാപ്പലിനെതിരെ കടുത്ത വിമർശനവുമായി ഹർഭജൻ സിംഗ്!
പ്രഗ്യാൻ ഓജ ഇന്ത്യൻ പുരുഷ സെലക്ഷൻ കമ്മിറ്റി പുതിയ അധ്യക്ഷൻ
തിരക്കുപിടിച്ച ഷെഡ്യൂളും പരിശീലനക്കുറവും; വെല്ലുവിളികളെക്കുറിച്ച് തുറന്നുപറഞ്ഞ് സഞ്ജു സാംസൺ!
